Parte hartu GAZTEZULO.COM-en sarrera zozketetan!
Astelehenean 2010eko Zinema eta Kooperazio Emanaldia hasiko da, Mugarik Gabe Gobernuz Kanpoko Erakundeak antolatuta. Filmak eta solasaldiak izango dira Donostian, Bilbon eta Gasteizen. GAZTEZULOk Donostiako honako hiru emanaldietarako bina sarrera ditu. Pelikula Ocine Bretxan emango dituzte.
Astelehena, hilak 15, 20:00etan: 'El velo de Berta' filma
Asteartea, hilak, 16, 20:00etan: 'Nuestra historia esta en la tierra'
Asteazkena, hilak 17, 22:30etan: 'Trece pueblos en defensa del agua'.
Filmeok ikusi nahi badituzu, bidali e-maila gaztezulo@gaztezulo.com helbidera zure izen-abizenak, telefonoa eta pelikularen izenburua jarrita eta zozketan parte hartuko duzu. |
|
Gasteizen, dantzan
Festibaila Sound jaialdia egingo dute Gasteizko Jimmy Jazz aretoan,
larunbatean. Revolutionary Brothersek, Gorka Suaiak, King Konsul,
Undergrove Selektorrek eta Bad Sound Systemek parte hartuko dute. Bihar
bertan, bestalde, Kaotiko taldeak disko berria aurkeztuko du Donostian,
Bizardunak taldeak Elizondon joko du eta bertsolari gazteentzat
antolatutako Hernandorena Bertso Sariaren lehen saioa egingo dute
Larresoron. Ikusi asteburuko agenda GAZTEZULO.COM-en. |
Mundu Martxaren azken kilometroak Euskal Herrian
Astelehenean, Emakumearen Nazioarteko Egunarekin, abiatu zen Iruņetik,
Altsasu eta Lizarra aldera, eta Euskal Herrian zehar ari da egunotan,
besteak beste, prekarietatea eta emakumeen kontrako tratu txarrak lau
haizetara zabaltzen. Iruņean amaituko da, bihar. Manifestazioa egingo
dute eta ondoren bazkaria eta festa antolatu dute. |
|
| HAU MUNDUA! |
Edozein presoren ametsa
Branco Simic bosniarra da, 22 urte ditu eta espetxean zegoen bitxi denda batean lapurreta egin izana leporatuta. Duela gutxi, ordea, loteria tokatu zitzaion: espetxeko zaintzaile batek bere ziegako atea ixtea ahaztu zuen. Presoak zalantza gutxi izan zuen, inor konturatzerako ospa egin baitzuen. Harrapazank!
|
|
|
|
