| Etorkizuneko argazki kamera |
Canon etxeak etorkizuneko argazki kamera izan daitekeenaren prototipoa aurkeztu du: Wonder Camera. Proposamen iraultzailea da, batez ere bere lentea makro objektibo bat edota 5.000 mm-ko teleobjektibo bat ordezkatzeko gai delako, optikak aldatzen ibiltzeko beharrik gabe. Panoramika zabalena, punturik urrunenari edota hurbileko elementurik txikienari argazkia egiteko gaitasuna du, hortaz. Botoirik ez, eta ukimen pantaila laua du. Gainera, irudi estatikoak harrapatu ordez, Wonder Camera honek bideo laburrak grabatzen dituela azaldu dute sortzaileek; ondoren, etxean, egileak fotograma perfektua aukera dezan.
|
| 110. alea |
2010/09 |
Milaka lagun bildu dira New Yorkeko Central Park's Great Lawn-en yoga egiteko. Elena Brower irakasleak udako solstizio garaian egin zuen deialdia lehenengoz Times Squaren eta, arrakasta ikusita, ekimenari jarraipena ematea erabaki du, baita lortu ere! Albokoaren besapea belarrian eta aurrekoaren oina mutur aurrean edukitzeak ezin egokiagoa dirudi meditaziorako eta kontenplaziorako.
|
| 110. alea |
2010/09 |
| Munduko txakurrik itsusiena |
Princess Aby du izena chihuahuak. Bere begi itsuak, hanka okerrek eta bizkar konkortuak eman diote munduko zakur zatarrenaren titulua Kalifornian urtero ospatzen duten lehiaketan. Zorionak, ba! Kathleen bere jabeak 1.000 dolarreko saria poltsikoratu du, bera bai zorionekoa. Nonbait, familia bereko txakurrak gurutzatzetik sortu zelako ditu Princess Abyk deformazio horiek. Errentagarriak, jabearentzat.
|
| 110. alea |
2010/09 |
Beste bat New Yorketik. Joey Chestnut estatubatuarrak 54 hot dog jan ditu 10 minutu eskasean eta, noski, berea da urtero argien hirian antolatzen duten mundu mailako txapelketa. 26 urte eta 104 kiloko gazteak iaz berak lorturiko errekorra gainditu du. Lehiaketa 1916an egin zuten aurrenekoz eta, antza denez, lau etorkinen arteko lehiatik sortu zen, ahalik eta hot dog gehiago janda nor baino nor estatubatuarrago zirela frogatzeko nahitik. Topikotan erorita, babarrunekin egin beharko genuke guk aproba…
|
| 110. alea |
2010/09 |
Rob Spence kanadiarrak, nerabea zela, eskuineko begia galdu zuen istripu baten ondorioz. Orain, 36 urteren bueltan dabilenean, kamera txiki-txiki bat diseinatu du kristalezko begia ordezkatzeko eta ikusten duen guzti-guztia grabatzeko. Time aldizkariak urteko asmakizun onenen zerrendan sartu du eta, momentuz burmuinarekin konexiorik ez duen arren, izaki androideranzko urrats berri bat da.
|
| 110. alea |
2010/09 |
|
|
