"Desira plazer. 68-08"
Edorta Jimenez, Igor Estankona eta Josune Muñozek 1968tik 2008ra bitarte euskal literaturan idatzitako poesia erotikoa bildu dute liburu honetan. Hala, Jon Mirande, Itxaro Borda, Joseba Sarrionandia, Miren Agur Meabe eta beste hainbat idazleren poesia erotikoaz goza daiteke bertan. Poesia askotarikoa da. Erotismoa bera bezala. Xaloa, basa, zentzumenezkoa nahiz mistikoa. Desira oro asetzeko modukoa. Plazeraren antologia benetakoa.
