Telezailak–. Nork esan zuen telebistak tontotu egiten duela?

Hainbat euskal idazlek Estatu Batuetan sortutako telesailei buruzko hausnarketak bildu dituzte, azken urteetan ekoizpen hauek lortu duten ospea eta tokia kontuan hartuta. Horietako zenbait aztertu eta gogoeta egin dute: gizartearen bilakaera, ideologiak eta ezberdintasun sozialak, ongiaren eta gaizkiaren arteko muga lausoa eta ikusleak horren aurrean hartzen duen jarrera... Liburu interesgarria da, batez ere telesail hauek jarraitu eta ikusten duten horri buruzko hausnarketa egin nahi dutenentzat.